Како за време на Втората светска војна советски деца собраа пари за тенк

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Апелот предизвика бурни реакции кај омските деца. Во писмата до редакцијата децата пишуваа како сонуваат да се вратат во родните градови и дека се исто така подготвени да ја дадат целата своја заштеда. „Нека нашите татковци ги разбијат фашистите со тенкови направени од нашата заштеда“, напиша Шура Хоменко.

На крај за оваа иницијатива дозна Сталин: „Молам на децата од предучилишна возраст од градот Омск, кои собраа 160886 рубли за производство на тенкот „Малиот“, да им се пренесат моите топли поздрави и благодарноста на Црвената армија“.

Пролетта 1942 година лесниот тенк Т-60, направен од парите собрани од децата, излезе од производствената лента. Возачот на тенкот беше една од малубројните жени-тенкисти во советските Вооружени сили Екатерина Петљук.

„Малиот“ успешно се бореше против непријателот во Сталинград, но летото 1943 година Петљук мораше да се префрли во друго возило. На „Малиот“ му се изгуби трагата, но, според некои информации, стигнал до Прага и Берлин.

Триесет години по победата над Германците, омските ученици го најдоа писмото на малата Ада во еден стар весник. Воодушевени од нејзиниот пример, решија да организираат средба меѓу Адел Занегина и Екатерина Петљук. „Двете газдарици на тенкот“ се сретнаа на 19 мај 1975 година во Омск.