Како му беше одземен идентитетот на девојчето од познатата фотографија со Сталин?
Ќерката на народниот комесар на Бурјатија Геља Маркизова имаше 6 години кога дојде во Кремљ и му подаде на Сталин букет цвеќе. Тоа длабоко го трогна националниот лидер, па го крена девојчето во раце и го бакна.
- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Благодарение на официјалниот состанок на Бурјатско-Монголската Автономна Советска Социјалистичка Република во 1936 година земјата случајно ја доби една од најпопуларните фотографии на Сталин. „Самиот Бог ни ја испрати таа мала Бурјаткинка. Ќе направиме од неа икона на среќното детство“, рече тогаш главниот уредник на весникот „Правда“ Лав Мехлис.
Фотографијата „Пријател на децата“. Сталин ја држи во раце Геља Маркизова (1936).
Така и беше. Фотографијата на Сталин и Геља (полно име Енгелсина) беше објавена во сите весници со натпис „Благодариме другар Сталин за нашето среќно детство!“. Беше поставена на плакати, а познатиот скулптор Георгиј Лавров направи споменик на Сталин и Геља, кој се појавуваше насекаде. Девојчето стана популарно, но тоа не траеше долго.
Сталин и Молотов ѝ подаруваат на Геља рачен часовник.
Година и пол подоцна, нејзиниот татко беше уапсен, обвинет за шпионажа и стрелан, а мајка ѝ испратена во Казахстан, каде што во 1939 година умре под чудни околности и тој случај не беше истражен.
Страница од судскиот процес на Ардан Маркизов
Геља не ја гибаа, но мораше да се реши прашањето на нејзиниот култ. Сталин повеќе не можеше да позира на плакати „со ќерката на непријателот на народот“, а од друга страна, не беше можно да се уништат сите весници и скулптури.
Мамлакат Акбердиевна Нахангова
Тука властите покажаа орвеловска итрина и пронајдоа слично девојче, пионерката Мамлакат Нахангова, и ѝ го припишаа името на славното девојче, заедно со сите портрети и постери. Направија неколку нови фотографии на Мамлакат со скулптурата во позадина, како да е таа девојчето во прегратките на Сталин, а советските граѓани не забележаа ништо.
Мамлакат Нахангова (лево) на состанок со Ј. В. Сталин, декември 1935.
Малата Геља Маркизова ја усвои нејзината тетка, сменувајќи ѝ ги името и презимето. Геља стана ориенталист, си го проживеа мирно животот, роди две деца и почина на 76-годишна возраст.
