Првиот лифт во Русија не бил наменет ни за луѓе, ни за товар, туку за...
...чинии, чаши и останати садови и прибор за јадење. Тоа бил лифт–трпеза!
- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Императорот Петар наредил во Петерхоф, неговата омилена приградска резиденција, да се изгради мал двокатен павилјон „Ермитаж“ („ермитаж“ на француски значи „место на самотија, ќелија, испосница“). Таквите павилјони биле популарни во Европа, од каде што императорот ја донел идејата во Русија.
Подготвената храна се сервирала во приземјето во помошната просторија, а потоа се кревала на катот во салата со помош на лифт на рачен погон (со помош на јажиња). Централниот дел на масата и секоја чинија поединечно можеле да се спуштат во долната просторија, да се замени јадењето, а потоа да повторно да се крене на катот.
Зошто бил направен толку сложен механизам? За да може царот и неговите гости да разговараат на мира, без страв дека нивниот разговор ќе го слушнат љубопитните слуги.
Покрај Петар, овој павилјон го сакале и другите цареви и често ручале и се забавувале во него. Во павилјонот „Ермитаж“ имало и вистински лифт за персоналот. Тоа било фотелја која се кревала на катот, исто така рачно со помош на јажиња. Меѓутоа, кога во 1797 година, за време на владеењето на Павле I, се скинало едно од јажињата на кои била прикачена фотелјата, наместо дотогашниот лифт биле изградени обични скалила.
Оригиналниот механизам за подигање изгорел за време на Втората светска војна, а на катот од просторијата во која се гоштевале царевите Германците направиле митралеско гнездо. Во 2023 година механизмот за подигање беше повторно обновен и оспособен според цртежите и сега повторно работи.
