Виолетовата Камчатка и жолтата Карелија – ова се руските региони во сите нивни бои (ФОТО)

Соловецки острови, Архангелска област  

Денес можете да стигнете тука само по вода. Архипелагот во Белото Море се состои од шест големи острови и преку 100 мали. На територијата на островот, меѓу ѕидините на средновековниот манастир, постоел советски поправно-работен логор за посебна намена. Денес островите се дел од светското наследство на УНЕСКО, „илустрирајќи значаен период во човечката историја“.

Населба Тикси, Република Саха

Тикси е населба на брегот на заливот Буор-Хаја во Лаптевското море. Според пописот од 2010 година, таму живееле 5063 луѓе, што ја прави најсеверната населба со население од над 5000 луѓе.

Клисура Џили-Су, Кабардино-Балкарија

Клисурата на главниот Кавкаски венец во подножјето на Елбрус е позната по големиот број термални извори и водопади, што привлекува туристи од цел свет.        

Зимска тајга кај селото Павловка, Република Башкортостан

Селото Павловка на реката Уфа во Башкортостан од сите страни е опкружено со густа шума и најголемата река во републиката.

Виључински вулкан, Камчатка  

Камчатка привлекува многумина со своите пејзажи со вонземна убавина. На нејзината територија има 30 активни и преку 160 изгаснати вулкани. Многумина од нив можат да се видат само од хеликоптер.

Мочуриштата на Југра, Ханти-Мансијски автономен округ

Речиси третина од цела Југра, на која би се сместила цела Франција, ја сочинуваат мочуришта. Мочуриштата се богатството на овој регион. Секоја година овде се собираат истражувачи од цел свет.  

Бело море, Карелија  

Се смета дека Белото море го добило називот по белкавата вода или поради маглата. Во секој случај, можеме да видиме дека не било секогаш бело.

Вулканите на Магаданската област 

За релјефот на Магаданската област се карактеристични висиите, планинските венци и вулканите. Последниве се наоѓаат во близина на градовите и локалните жители сакаат да се искачуваат на нив. Сепак, по лошо време тоа може да биде опасно, бидејќи тука владее сурова клима. 

Цимљанско вештачко езеро, Волгоградска и Ростовска област

Вештачкото езеро на Дон настана со изградбата на браната 1952 година.

Површински коп на железна руда, Белгородска област

Лебединскиот рударски комбинат е најголемиот комбинат за добивање и обогатување на железна руда. Копот е широк 5 километри, а длабок 600 метри. Двапати се најде во Гинисовата книга на рекорди.

Езеро Ељтон, Волгоградска област

Најголемото солено езеро во Европа и едно од најголемите на светот, Ељтон се наоѓа на југот на Русија, недалеку од границата со Казахстан.

Река Болшаја, Иркутска област  

Болшаја е притока на реката Ангара, единствената река која истекува од Бајкалското езеро.

Полиња во Република Татарстан  

Татарстан се наоѓа во центарот на европскиот дел на Русија, во рамнината. Затоа неговиот пејзаж личи на тепих од бајка, направен од цветни полиња и бујни ливади.

Устие на реки, Тјуменска област  

Тјуменската област е огромна. Тоа е единствениот регион на Русија што се протега од морињата на Северниот леден океан на север до државната граница на југот од крај до крај на земјата.  

Пат меѓу солончаците, Република Калмикија

Необично е да најдете во Калмикија после зелените шуми и пенливите реки, но тука ќе ви запре здивот од нешто друго: од огромниот солончак што личи на замрзнато езеро.

Бахранот на Северен Кавказ

Сарикум не е само највисокиот бахран (вид дина) во Евроазија, туку и втор по висина на светот. Повисокиот се наоѓа само во Сахара. Тука лете температурата достигнува 60 степени. 

Замрзната реката Лена, Саха-Јакутија  

Овде се наоѓа арктичка научна станица, која е база за руско-германски истражувања на вечниот лед во Сибир.