Кога почнува зимата во Русија?

03 Oct 2022

Во некои региони веќе во октомври е време да се облече топла облека, додека во други луѓето сè уште не ја ни распакувале.

Ве очекуваме на Телеграм-каналот https://t.me/rb_makedonija
Вклучете го во пребарувачот „Show notifications“ (дозволи известувања) за нашиот сајт!
Пријавете се на нашата неделна мејлинг листа

Жителите на Сочи можат да уживаат во последните топли денови на брегот на Црното море, додека во Москва и Казан почнува доцната есен. А зимата веќе пристигна на Урал.

Нека ви е среќен првиот снег! Бррр!

Жителите на Екатеринбург го дочекаа првиот снег на 26 септември, иако на Урал снегот обично почнува да паѓа на почетокот на октомври.

Во сибирските градови првиот снег обично паѓа во втората половина на септември, додека во ноември веќе владее вистинска зима. Додуша, големите студови доаѓаат малку подоцна.

Во Новосибирск првиот снег падна на 28 септември.

Во Братск во Иркутската област првиот снег исто така пристигна на 28 септември.

Првиот снег веќе ги изненади жителите на Кемерово и Краснојарск (јужен Сибир), некои делови на Јакутија (Далечниот Исток), Мурманск (север), па дури и Башкирија и Костромската област (централна Русија).

Во планинските региони на Алтај (Сибир), новиот снег веќе падна кон средината на август. Иако ланскиот сé уште беше тука.

Многу делови на руската поларна област исто така сé уште имаат снег од ланската зима. Освен тоа, снег паѓаше на Чукотка во текот на август.

Што е со Москва и Санкт Петербург?

На 14 октомври во Русија се слави традиционалниот христијански празник Покров на Пресвета Богородица.

Руската православна црква на тој ден го слави јавувањето на Богородица со покров, а според верувањата на старите Словени, тоа е денот кога се среќаваат есента и зимата. Често е токму времето на првиот снег. Иако главно се однесува на централниот дел на Русија.

Овде го гледате првиот снег во градот Кинешма.

Во Москва снегот обично почнува да паѓа на крајот на октомври, но брзо се топи. Постојан снег почнува да ја покрива Москва дури во декември.

Во Санкт Петербург снег паѓа во ноември и зимите овде обично не носат големи студови. Но, има многу студен дожд. Додуша, зимата 2021 година беше полна со снег и во Санкт Петербург!

Чекајќи ја зимата

На Далечниот Исток (Владивосток, Јужно-Сахалинск, Петропавловск-Камчатски), локалното население ужива во првиот снег во ноември.

Додека во јужните градови на Русија првиот снег паѓа поблиску до крајот на декември, понекогаш дури во јануари. Додека неколку години воопшто и не паѓа, иако тамошните жители не жалат поради тоа. Палмите под снег и не се некоја многу вообичаена глетка.