Зошто руските филмаџии кршат чинија на почетокот на снимањето?
Овој обичај постои само во Русија: по првиот успешно снимен кадар режисерот ја собира целата екипа и крши чинија. Но, не било која. Имено, на неа треба да бидат испишани имињата на сите учесници во снимањето и името на филмот.
- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Едно од објаснувањата за тоа како настанал овој обичај е поврзано со легендарниот Сергеј Ајзенштајн. За време на снимањето на култниот филм „Оклопникот Потемкин“ (1925) актерите не брзале да завршат со ручекот и да се вратат на работа. Затоа режисерот наводно од лутина ја скршил чинијата на актер од статив. Потоа, се разбира, започнало снимањето, а филмот влезе во историјата.
Сепак, масовното кршење на чинии на снимањето започна дури во деведесеттите, кога по распадот на СССР руската кинематографија поминуваше низ криза. Секој од екипата зема по едно парче за спомен. Патем, филмаџиите се суеверна фела и сметаат дека е лош знак ако чинијата не се скрши при првиот обид.