Врвен водич за правење „холодец“ (РЕЦЕПТ)

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Со векови холодецот се сметал за јадење за обичните луѓе, бидејќи содржи претежно отфрлени животински делови, како што се нозете и копитата, опашките и ушите. Остатоците од трпезата на богатите биле претворени во оброк за сиромашните. Меѓутоа, се верува дека го сакал и Петар Велики, особено со кисела зелка и кисели краставички.

Првото спомнување на специфичен рецепт за холодец е забележано во кулинарската книга на Василиј Левшин од 1816 година. Тој предложил холодецот да се прави од говедски нозе и уши.

Од советско време до денес, холодецот се смета за едно од главните јадења на новогодишната трпеза, како и на другите зимски празници. Но, со појавата на фрижидерот, ова јадење сега може да се подготви во секое време од годината.

За повеќето странци, ова е прилично чудно јадење, но вреди да се земе предвид поради неколку причини, не само затоа што е навистина вкусно и хранливо. Традиционалниот холодец содржи многу витамини. Честото консумирање ќе ви даде добра доза на колаген, што ќе ви помогне да ја подобрите состојбата на кожата и зглобовите. Исто така, го зајакнува вашиот имунитет и го подобрува видот. Тоа е токму она што ни треба во зима!

1. Барајте извор на колаген

Се верува дека класичниот холодец се прави од кравји глави, опашки и нозе. Меѓтутоа, можно е да се користат само нозете. Денес, холодецот често се прави од свинско месо, користејќи свински опашки, уши и нозе. Клучниот елемент за желирање се наоѓа во 'рскавицата, зглобовите и тетивите.

Парчињата месо не би требало да содржат големо количество маснотии, бидејќи тоа ќе го спречи стврднувањето на јадењето. Дополнително, вишокот маснотии ќе се собере како бел слој на врвот на холодецот. Во идеален случај, треба да има рамнотежа помеѓу нозете, копитата и парчињата чисто, немасно месо.

2. Време за варење – бидете трпеливи

За да го извадите колагенот, треба да ги сварите коските и 'рскавицата додека не омекнат. Просечното време за готвење е 6-7 часа. Месото буквално ќе падне од коските, а зглобовите, кожата и 'рскавицата ќе станат проѕирни. Дури тогаш чорбата ќе се наполни со средство слично на желе. Важно е месото да се вари на тивок оган со затворен капак за да не испари течноста.

3. И изгледот е важен

Ако купувате свински нозе од фармер, а не во супермаркет, тогаш најверојатно ќе треба да ги потопите во ладна вода неколку часа. Така од кожата ќе се одвојат непотребните нечистотии и лушпи. Потоа добро исплакнете ги нозете.

Второ, за да добиете проѕирен холодец, прво мора да го сипете булјонот откако ќе зоврие. Ова ќе ја отстрани згуснатата крв и вишокот маснотии. Ќе треба и темелно да го измиете тенџерето, бидејќи на страните сé уште може да има честички од згрутчена крв.

4. Количината на водата – воспоставете рамнотежа

Важно е да нема ни премногу ни премалку чорба. Идеалната количина е да користите двојно повеќе вода од количината на месо. Водата треба да го покрие месото за неколку сантиметри.

5. Сé во свое време - зачини и сол

Вкусот на холодецот го даваат дополнителните состојки. Кромидот, лукот, морковот и другите корени се додаваат еден час пред да биде готово месото, односно 5-6 часа од моментот кога ќе почнете да варите. Ловоров лист и црн пипер - половина час пред варење.

Друг важен вкус на холодецот е сировиот лук. Треба да се додаде кога ќе почнете да го ставате месото во калапите. За рамномерно да се распореди лукот, треба да се притисне со специјална преса.

6. Не додавајте премногу сол

За да ја одредите точната количина на сол, мора да почекате додека месото не биде подготвено. Ако веднаш додадете сол, а водата испари за време на варењето, тогаш концентрацијата на сол во булјонот ќе биде превисока. За да не погрешите, солта треба да ја додадете во последната фаза токму кога ќе го додадете зеленчукот во чорбата.

7. Уште некои финеси

За да се доведе чорбата до совршенство, потребно е да ја процедите. За најдобар резултат подобро е да користите не само сито, туку и неколку слоеви газа или ткаенина.

8. Работа на вкус

Секој готвач може да одлучи кој вид на месо оди во завршното јадење. Доколку сакате, користете само немасно месо кое е внимателно одвоено од коските.

Во овој случај, има многу отпад во вид на кожа и мека 'рскавица. Можете исто така да ја исечете кожата на мали ленти и да ја измешате со месото. На овој начин холодецот ќе биде понежен и сочен.

Состојки:

• Месо - вкупно 1,5 кг:
• Свински нозе – 2 пар.
• Свинска опашка - 4 пар.
• Говедска опашка - 2 големи зглоба 
• Вода - 3 литри (+ 3 литри по првото вриење)
• Морков - 1 пар.
• Пашканат - 1 пар.
• Целер коронет - 1 пар.
• Кромид - 1 пар.
• Лук - 4 чешниња
• Сол - околу 1 лажичка на 3 литри вода (по вкус)
• Бибер
• Ловоров лист

Подготовка:

1. Измијте го месото. Ставете го во длабок лонец. Наполнете го со вода за да го покрие месото за 2 см.

2. Откако ќе зоврие, можете да почнете да ја тргате пената.

3. Извадете го месото.

4. Исцедете ја првата чорба. Измијте го лонецот. Месото повторно прелијте го со вода за да го покрие за 2 см. Јас употребив 3 литри. Покријте го садот. Оставете да зоврие и намалете ја температурата. Сега месото треба да се вари на тивок оган 5-6 часа. Држете го капакот за да не зоврие водата. Месото ќе стане меко.

5. По 5 часа подгответе го зеленчукот и додајте го во чорбата. По половина час додајте сол, бибер и ловоров лист. Варете на тивок оган.

6. Оставете го холодецот да се излади. Откако се излади на собна температура, мојата чорба веќе се згусна. Тоа ми овозможи да го отстранам вишокот маснотии од врвот. Потоа малку го загреав холодецот за да биде топол, но не врел и повторно да стане течен.

7. Отстранете го зеленчукот.

8. Извадете го месото.

9. Одвојте го на мали парчиња.

10. Ја користев кожата и меката ‘рскавица.

11. Процедете ја чорбата низ газа.

12. Можете да користете различни калапи.

13. Ставете го месото во калап.

14. Распоредете го издробениот лук.

15. Наполнете го со булјонот.

16. Можете да додадете варен морков за да ја подобрите визуелната привлечност на ова јадење.

17. Во еден холодец ја ставив само кожата.

18. По два часа во фрижидер, вашиот холодец е подготвен. Може да потрае подолго за да се стврдне, па подобро е да го оставите преку ноќ.

19. Послужете го со рен или сенф, црн леб и кисели краставички.

20. Исто така, можете да ги декорирате порциите и да направите свечена верзија на холодец. Уживајте!