Од каде во Русија обичајот бебињата да се украсуваат со ленти при излегување од породилиштето?
При излегување од породилиштето, новороденчињата се завиткуваат во ќебе, кое често е обвиткано со украсна лента. Кај момчињата е сина, а кај девојчињата е црвена или розова. Зошто токму овие бои?
- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Обичајот потекнува уште од царско време. Во Руската империја, највисоките државни одликувања беа Орденот на Свети Андреј Првоповикан за мажи и Орденот на Света Екатерина за жени.
Ордените се носеа на украсни ленти: во првиот случај на сина, а во вториот на црвена. Царот Павле I наредил секој новороден член на царското семејство да добие вакви ленти на крштевањето.
Така се појавил еден нов обичај, кој на крајот се проширил на сите бебиња, а не само на оние од царски род.
