Како изгледаат цевчињата за пиво од Адигеја стари 5000 години?

• Ве очекуваме на Телеграм-каналот https://t.me/rb_makedonija
• Вклучете го во пребарувачот „Show notifications“ (дозволи известувања) за нашиот сајт!
• Пријавете се на нашата неделна мејлинг листа

Во Ермитаж се чуваат древни артефакти од Мајкопскиот курган во Адигеја. Гробниците од 35 век п.н.е биле откриени од археолозите уште во 1897 година, со стотици скапоцени предмети во нив. Вистина, во тоа време не се знаело за што се користеле некои од тие работи.

Најмногу недоумици предизвикуваа осум цевчиња од злато и сребро. Секое од нив е долго речиси еден метар (се состои од сегменти кои се вметати еден во друг) со пречник од околу еден сантиметар.

На четири цевчиња има фигури на бикови. Научниците претпоставуваа дека тие биле држачи на погребен балдахин.

Меѓутоа, новите истражувања, објавени во 2022 година, овозможуваат да се дојде до сосем извесен заклучок: овие цевчиња се користеле за групно пиење пиво. Имено, во цевчињата се пронајдени траги од јачменов скроб.

На краевите на цевчињата има дупчиња, што ги наведе научниците да заклучат дека тие се користеле како филтер за пијалаци со талог. Вакви цевчиња биле масовно користени меѓу старите Сумери и Египќани.