Вака изгледа најновиот руски спортски автомобил Rossa. Свежи фотографии од прототипот!
Судејќи според фотографиите, панелите на каросеријата се направени од полимер зајакнат со карбонски влакна.
- Ве очекуваме на Телеграм-каналот https://t.me/rb_makedonija
- Вклучете го во пребарувачот „Show notifications“ (дозволи известувања) за нашиот сајт!
- Пријавете се на нашата неделна мејлинг листа
Пред неколку дена на интернет се појавија слики од патентниот дизајн на перспективниот руски спортски автомобил Rossa, а сега во живо е прикажан и самиот прототип. Иако има само две фотографии, сепак и според нив може да се оцени дизајнот.
Не може да се каже дека неговата надворешност е автентична, но автомобилот во најмала рака изгледа интересно. Под предниот браник има сплитер, а има и широки доводи за воздух и тесна задна хауба под која се наоѓа моторот (а над хаубата има голема „перка“).
Главен конструктор на компанијата Rossa Игор Ермилин, кој претходно беше главен конструктор на Marussia Motors. Затоа, не е за изненадување што на автомобилот Rossa можете да пронајдете некои карактеристики на рускиот спортски автомобил Marussia B1.
Сè уште не се познати официјалните податоци за моторот. Marussia B1 имаше V6 мотор од 3,5 литри и 240 КС на фабриката Nissan. Судејќи по фотографијата, Rossa веројатно исто така има „V“ мотор со шест цилиндри.
За потсетување, сопственик на патентот на брендот Rossa е познатиот возач на тркачки автомобили Роман Русинов.
